1 րոպեի ընթերցում
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Միացյալ Նահանգների Տեխաս նահանգում Սկիննի անունով գեր կատուն կարողացել է նիհարել 10 կիլոգրամով: Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, բժիշկ Բրիտնի Բարտոնը նշել է, որ նա հոգ է տարել կատվի մասին 2013թ.-ից: Այդ ժամանակ նա կշռում էր 18.6 կիլոգրամ, սակայն մարզումների և դիետայի շնորհիվ կատուն կորցրել է իր քաշից կեսից ավելին: Կատուն անցել է ամենամյա հետազոտություն, ինչը ցույց է տվել, որ նա առողջ է:
Բարտոնի խոսքով` աշխատանքային օրերը կատուն անցկացնում է անասնաբուժական HEAL Veterinary Hospital կլինիկայում, իսկ հանգստյան օրերը՝ Բարտոնի և նրա ընտանիքի հետ: