Fitch-ը հաստատել է Հայաստանի «B+» վարկանիշը

ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Fitch միջազգային վարկանշային գործակալությունը հաստատել է Հայաստանի արտարժույթով և ազգային արժույթով թողարկողի դեֆոլտի երկարաժամկետ վարկանիշները «B+» մակարդակում: «Արմենպրես»-ի փոխանցմամբ, կազմակերպության պաշտոնական էջում ներկայացված վերլուծության համաձայն` կանխատեսումը «կայուն» է:

Fitch-ը 2015-ին Հայաստանում կանխատեսում է ՀՆԱ-ի 1.5 տոկոս աճ: Վարկանշային ընկերությունը Հայաստանի բյուջեի վիճակը գնահատում է համեմատաբար կայուն: Fitch-ի մասնագետները Հայաստանում 2016թ. ակնկալում են ՀՆԱ-ի 2.5 տոկոս աճ, իսկ 2017թ.՝ 2.9 տոկոս աճ: