1 րոպեի ընթերցում
ԿԻԵՎ, 16 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի կիսապաշտպան Գևորգ Ղազարյանը հնարավոր է տեղափոխվի Խարկովի «Մետալիստ»: Ինչպես փոխանցում է «Արմենպրես»-ը՝ այդ մասին հայտնում է «Տերրիկոն»-ը՝ վկայակոչելով «Ֆուտբոլ 1» հեռուստաընկերությունը:
27-ամյա ֆուտբոլիստը պայմանագրի ավարտից հետո լքել է հունական «Կերկիրա»-ն, ուր տեղափոխվել էր ընթացիկ տարվա ձմռանը՝ կնքելով կես տարվա պայմանագիր: Խարկովյան ակումբն Ուկրաինայի նախորդ առաջնությունում զբաղեցրել է 6-րդ հորիզոնականը: