Մինիոնները «գրոհում» են հայկական կինովարձույթը
1 րոպեի ընթերցում
![Մինիոնները «գրոհում» են հայկական կինովարձույթը](http://armenpress.am/resized/480/static/news/b/2015/07/811758.jpg)
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Չարագործների դեղին օգնականները՝ մինիոնները, «գրոհում» են հայկական կինովարձույթը: «Արմենպրես»-ի փոխանցմամբ՝ «Մինիոնները» անիմացիոն կինոնկարը հուլիսի 9-ից հայկական կինոթատրոնների էկրաններին է:
Ըստ կինոնկարի՝ մինիոնները արդեն միլիոնավոր տարիներ ապրում են Երկիր մոլորակում: Ծառայելով դինոզավրներին, փարավոններին, Դրակուլային և Նապոլեոնին՝ նրանք այս անգամ տեղափոխվում են Նյու Յորք: Այստեղ նրանց սպասվում էր հարստություն, իշխանություն, հանդիպում ճակատագրական կին Սքարլեթ Օվերքիլլի հետ: Սակայն միշտ չէ, որ նրանց սպասումները արդարացվում են:
Կինոնկարի ռեժիսորներն են Քայլ Բալդան և Պիեռ Սոֆինը: Ֆիլմի հերոսներին կրկնօրինակել են Սանդրա Բալոքը, Պիեռ Սոֆինը, Մայքլ Քիթոնը, Ջեֆրի Ռաշը, Սթիվ Քարելը և այլք: