Թոմ Քրուզը շնչառությունը վեց րոպե պահել Է «Առաքելությունն անիրագործելի Է 5»-ի նկարահանումների ժամանակ
1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Դերասան Թոմ Քրուզը շնչառությունը վեց րոպե պահել Է «Առաքելությունն անիրագործելի Է» լրտեսական մարտաֆիլմի հինգերորդ սերիայի տեսարաններից մեկի նկարահանումների համար: Այդ արդյունքին հասնելու նպատակով նա մի քանի շաբաթ անմիջականորեն նկարահանման հարթակում մարզվել Է պրոֆեսիոնալ ջրասուզակի հսկողությամբ, հաղորդում Է «Արմենպրես»-ը՝ հղում անելով USA Today-ին: Կինոնկարի պրեմիերան նախատեսված Է 2015 թվականի հուլիսի 31-ին:
Նոր ֆիլմը պարունակում Է տեսարաններ, որտեղ դերասանն ստիպված Է երկար ժամանակ գտնվել ջրի տակ: Քրուզը գերադասել Է դրանց մասնակցել անձամբ՝ չդիմելով սուզորդ-կասկադյորների օգնությանը:
Նա նշել Է, որ միշտ երազել Է նման մի բան անել: «Ես նախկինում Էլ եմ նկարահանվել ջրի տակ: Բայց այս դեպքում մենք ցանկացել ենք ստորջրյա դրվագն ստեղծել առանց ընդհատումների եւ մոնտաժի: Այսպիսով, այդ տեսարանն իրոք հետաքրքրական Է ստացվել»,- հայտնել Է դերասանը:
«Առաքելությունն անիրագործելի Է» ֆիլմաշարի նախորդ չորս կինոնկարները համաշխարհային վարձույթում հավաքել են ավելի քան 2 միլիարդ դոլար: