1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: «Սարփի» մաքսային անցակետի (վրաց-թուրքական սահման) աշխատակիցները ձերբակալել են Հայաստանի քաղաքացի Լ. Խ.-ին, որի ավտոմոբիլում եւ անձնական խուզարկության ժամանակ հայտնաբերել են ավելի քան 4 կիլոգրամ ոսկե իրեր եւ մինչեւ 50 կիլոգրամ արծաթե հատիկներ: Այդ մասին, ինչպես տեղեկացնում Է «Արմենպրես»-ը, մայիսի 21-ին հաղորդել Է Վրաստանի ֆինանսների նախարարության եկամուտների ծառայությունը:
Հայաստանի քաղաքացին փորձել Է չհայտարարագրված ապրանքը Վրաստանի սահմանով անցկացնել թաքստոցում, որը գտնվել Է ավտոմեքնայի առջեւի աջ եւ ձախ թեւերին, ինչպես նաեւ բաճկոնի գրպանում:
Ապրանքի ընդհանուր արժեքը կազմել Է 274 հազար 394 լարի (շուրջ 122 հազար դոլար): Գործի նյութերը հանձնվել են Վրաստանի ֆինանսների նախարարության քննչական ծառայությանը: