2 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Բրիտանական Rolling Stones լեգենդար խումբը «գաղտնի» համերգ Է տվել Լոս Անջելեսում (Կալիֆոռնիայի նահանգ), որի տոմսերի արժեքը եղել Է ընդամենը 5 դոլար: Այդ մասին, ինչպես տեղեկացնում Է «Արմենպրես»-ը, հաղորդել են Միացյալ Նահանգների զանգվածային լրատվամիջոցները:
CBS հեռուստաալիքի տվյալներով՝ Rolling Stones-ը համերգի մասին հայտարարել Է Twitter-ում եւ պաշտոնական կայքում, տոմսերը գնվել են «մեկ րոպեում»: Սկզբում երաժիշտները չեն հայտնել համերգի անցկացման ստույգ վայրը՝ սոսկ գրելով «Այսօր ակումբային շոու Լոս Անջելեսում» եւ 90028 կոդը: Ավելի ուշ հայտնի Է դարձել, որ համերգը տեղի կունենա մայիսի 20-ին Fonda Theatre-ում: Տոմս կարողացել Է գնել շուրջ 1,2 հազար մարդ:
Ինչպես նշել Է Associated Press գործակալությունը, երաժիշտները նվագել են մեկուկես ժամ եւ Sticky Fingers ալբոմի բոլոր երգրերը կատարել «նույն խանդավառությամբ, ինչպես եւ 1971 թվականին, երբ թողարկվել Է ալբոմը»: Հաղորդվում Է, որ մեծ շրջագայությունից առաջ «գաղտնի» համերգն արդեն ավանդույթ Է դարձել խմբի համար:
Մոտ ժամանակներս խումբը Zip Code Tour-ի կուղեւորվի ԱՄՆ-ում, մինչեւ հուլիսի 15-ը երաժիշտները կտան 15 համերգ:
The Rolling Stones-ի գրեթե 30 ալբոմների (չհաշված համերգայինները) ընդհանուր տպաքանակը գերազանցել Է 250 միլիոնը, ընդ որում 200 միլիոնը վաճառվել Է ԱՄՆ-ում: 1989 թվականին խումբը մտել Է Ռոք-ն-ռոլի փառքի սրահ, իսկ 2004 թվականին ըստ Rolling Stone հանդեսի վարկածի՝ զբաղեցրել Է չորրորդ տեղը բոլոր ժամանակների 50 մեծագույն կատարողների ցանկում, հաղորդել Է ՌԻԱ Նովոստին:
Լուսանկարը` AP