Գերմանիայի Հալլե քաղաքում Հայոց ցեղասպանության տարելիցին նվիրված խաչքար է տեղադրվել
1 րոպեի ընթերցում
![Գերմանիայի Հալլե քաղաքում Հայոց ցեղասպանության տարելիցին նվիրված խաչքար է տեղադրվել](http://armenpress.am/resized/480/static/news/b/2015/05/805083.jpg)
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Հայոց ցեղասպանության 100-րդ տարելիցին նվիրված հայկական տուֆից պատրաստված խաչքար է կանգնեցվել Գերմանիայի Սաքսոնիա-Անհալթ վարչական շրջանի Հալլե քաղաքում:
Ինչպես հաղորդում է «Արմենպրես»-ը, այս մասին տեղեկացնում է «Հայ թերթ»-ը:
Պաշտոնական բացումը տեղի է ունեցել խաչքարի օրհնության և օծման արարողություններով, որոնց մասնակցել են Գերմանիայի հայոց թեմի առաջնորդ Գերաշնորհ Տ. Գարեգին արքեպիսկոպոս Բեքչյանը, Սաքսոնիա-Անհալթ երկրամասի Միջեկեղեցական համագործակցության նախագահ Յուրգեն Տիթրիխը, Գերմանիայում ՀՀ գործերի ժամանակավոր հավատարմատար Աշոտ Սմբատյանը, Հալլեի քաղաքապետ Բերնդ Վիգանդը և այլոք: Արարողությանը ելույթ է ունեցել քաղաքի կանանց երգչախումբը: