«Գազպրոմը» գազի զեղչ Է տրամադրել Թուրքիայի մասնավոր ընկերություններին

ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Երկար ամիսներ տեւած բանակցություններից հետո «Գազպրոմը» համաձայնել Է զեղչեր տրամադրել Թուրքիայի մասնավոր ընկերություններին, որոնց բաժին Է ընկնում ռուսական գազի ներմուծման ավելի քան մեկ երրորդը: Այդ մասին, ինչպես տեղեկացնում Է «Արմենպրես»-ը, մայիսի 5-ին գրել Է «Կոմերսանտ» թերթը:

Խոսքը վերաբերում Է Enerco Enerji, Bosphorus gas, Avrasya gaz, Shell, Bati Hatti, Akfel gas иKibar Enerji ընկերություններին: Հրատարակության տվյալներով՝ մինչ այդ ընկերությունները հարկադրված Էին գազի համար վճարել 2014 թվականի գնով՝ 374 դոլար հազար խորանարդ մետրի դիմաց, ինչն զգալիորեն գերազանցում Է Եվրոպայի ընթացիկ շուկայական գնին: Այժմ առաջին եռամսյակում գինը կկազմի հազար խորանարդ մետրի դիմաց 300 դոլարից պակաս, երկրորդ եռամսյակում՝ շուրջ 260 դոլար:

Ըստ Թուրքիայի մասնավոր ներմուծողների պարտավորագրերի՝ ռուսական գազի ընդհանուր ծավալը տարեկան 10 միլիարդ խորանարդ մետր Է, գազն ստացվում Է Ուկրաինայի տարածքով՝ Անդրբալկանյան գազատարով: 2014 թվականին Թուրքիան «Գազպրոմից» գնել Է 27,3 միլիարդ խորանարդ մետր գազ, բայց հիմնական ծավալը բաժին Է ընկել Botas պետական ընկերությանը: Ինչպես նշում Է ՌԻԱ Նովոստին, վերջինիս հետ «Գազպրոմը» նույնպես բանակցություններ Է վարում զեղչման շուրջը: