1 րոպեի ընթերցում
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լեւոն Արոնյանը մայիսի 1-7-ը Նովոսիբիրսկի «Սիբիր» թիմի կազմում մասնակցում է Սոչիում անցկացվող Ռուսաստանի ակումբային առաջնությանը: Արոնյանը խաղում է երկրորդ խաղատախտակի վրա: Առաջինի վրա հանդես է գալիս Վլադիմիր Կրամնիկը: «Արմենպրես»-ի հաղորդմամբ, այս մասին տեղեկացնում է Հայաստանի շախմատի ֆեդերացիան:
Շախմատի Հայաստանի ընտրանու առաջատարն օրեր առաջ ավարտված շախմատի աշխարհի թիմային առաջնությունում լավագույնն էր առաջին խաղատախտակի վրա: