System of a Down-ի «Արթնացրեք հոգիները» համերգաշարի երևանյան համերգը մեկնարկում է. ՈՒՂԻՂ
1 րոպեի ընթերցում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Երևանն ունկնդրում է System of a Down խմբի ելույթը: «Արմենպրես»-ի փոխանցմամբ՝ մեկնարկում է խմբի՝ Հայոց ցեղասպանության մասին իրազեկմանը նվիրված «Արթնացրեք հոգիները» (Wake Up the Souls) խորագրով շրջագայության երևանյան համերգը, որը կայանում է Հայաստանի մայրաքաղաքի Հանրապետության հրապարակում:
Համերգաշարը մեծ նվեր է խմբի երկրպագուների համար՝ 2005թ. SOAD-ի վերջին ալբոմի լույս ընծայումից ի վեր: Այն նվիրված է համաշխարհային հանրությանը Հայոց ցեղասպանության վրա ուշադրություն հրավիրելուն: «Մեզ համար` որպես ամերիկահայերի, որոնց ընտանիքները անմիջական կապ ունեն այս խնդրի հետ, կարևոր է ոչ միայն իրազեկել մարդկանց, այլ նաև պահանջել արդարության վերականգնումը: Սա ցավ է, որը շարունակում է առկա մնալ», - Los Angeles Daily News-ի փոխանցմամբ՝ ավելի վաղ ասել էրխմբի մեներգիչ Սերժ Թանկյանը:
System of a Down-ը շրջագայության շրջանակում արդեն հասցրել է հանդես գալ մի շարք երկրներում: