Նոթր Դամի համալսարանում կոգեկոչեն Հայոց ցեղասպանության 100-րդ տարելիցը
1 րոպեի ընթերցում
![Նոթր Դամի համալսարանում կոգեկոչեն Հայոց ցեղասպանության 100-րդ տարելիցը](http://armenpress.am/resized/480/static/news/b/2015/04/801026.jpg)
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Մեծ եղեռնի 100-րդ տարելիցին նվիրված ոգեկոչման բազմաբնույթ արարողություններ տեղի կունենան ԱՄՆ Ինդիանա նահանգի Նոթր Դամ համալսարանում:
Ինչպես հաղորդում է «Արմենպրես»-ըˋ վկայակոչելով southbendtribune.com կայքը, Հայոց ցեղասպանության 100-րդ տարելիցին ընդառաջ համալսարանում կկազմակերպվի չորս արարողություն: Ապրիլի 20-ին համալսարանի լսարաններից մեկում կցուցադրվի ֆիմ, որը պատմում է Օսմայնան կայսրությունում ցեղասպանության զոհ դարձած հայ ազնվական ընտանիքի մասին: «Վաղ ժամանակաշրջանի եկեղեցիների նահատակությունը և Հայոց ցեղասպանությունը» խորագրով դասախոսություն կկարդա Նոթր Դամի աստավածաբանության պրոֆեսոր Մաքսվել Ջոնսոնը: Հաջորդ օրը երեկոյան հայ քահանայի առաջնորդությամբ նախատեսվում է մոմավառություն:
Արարողությունները կշարունակվեն նաև Մեծ եղեռնի հիշատակի օրվանիցˋ ապրիլի 24-ից հետո: Ապրիլի 27-ին կցուցադրվի 100-րդ տարելիցի առնչությամբ նկարահանված մեկ այլ ֆիլմ՝«1915»-ը:
Լուսանկարը`wikipedia