1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Ազգային ժողովի բակում Հայոց ցեղասպանության 100-րդ տարելիցին նվիրված հուշարձան կբացվի:
Ազգային ժողովի նիստի մեկնարկին ՀՀ ԱԺ նախագահ Գալուստ Սահակյանը հայտնեց, որ ժամը 13:30-ինխորհրդարանի բակում տեղի կունենա Հայոց ցեղասպանության 100-րդ տարելիցին նվիրված հուշարձանի բացումը: «Բացման արարողության ընթացքում Ազգային ժողովի բակում տնկվելու է 100 ծառ՝ հիմնականում պատգամավորների կողմից»,- «Արմենպրես»-ի հաղորդմամբ՝ասաց Սահակյանը:
Գալուստ Սահակյանը բոլոր պատգամավորներին, Ազգային ժողովի աշխատակազմին, լրագրողներին կոչ արեց ներկա գտնվել հուշարձանի բացման արարողությանը: