«Twin Peaks»-ի ստեղծող Դեվիդ Լինչը հրաժարվել է մասնակցել սերիալի նոր եթերաշրջանի ստեղծմանը
1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ:«Twin Peaks» սերիալի ստեղծողներից Դեվիդ Լինչը հայտարարել է, որ չի մասնակցելու սերիալի նոր եթերաշրջանի սցենարի ստեղծմանը: Ինչպես տեղեկացնում է «Արմենպրես»-ը՝ վկայակոչելով gazeta.ru կայքը, այս մասին ռեժիսորը գրել է թվիթերյան իր էջում:
«Այս հանգստյան օրերին ես զանգահարել եմ դերասաններին, որպեսզի ասեմ, որ ես չեմ մասնակցելու նախագծին»,-նշվում է հաղորդագրության մեջ: Լինչի խոսքով՝ սցենարի ստեղծման վրա բավարար միջոցներ չեն հատկացվել:
Ավելի վաղ հայտարարվել էր, որ դերասան Քայլ Մակլախլենն իսկապես վերադառնում է նոր «Twin Peaks» սերիալ: Այս տեղեկատվությունը հաստատել էր Showtime-ի նախագահ Դեվիդ Նեվինսը: Օրիգինալ «Twin Peaks» -ում Մաքլախլենը խաղացել է Հետաքննությունների դաշնային բյուրոյի գործակալ Դեյլ Քուփերի դերը: Ենթադրվում է, որ «Twin Peaks»-ի աշխատանքները կսկսվեն 2015 թվականին, իսկ պրեմիերան նախատեսված է 2016 թվականին:
Լուսանկարը`theredlist.com