Սփիլբերգի «Շոա» հիմնադրամը կթվայնացնի Հայոց ցեղասպանության ականատեսների հիշողությունները
1 րոպեի ընթերցում
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Հարավային Կալիֆորնիայի համալսարանին կից «Շոա» հիմնադրամի հետ կնքված համաձայնագրի հիման վրա կթվայնացվեն Հայոց ցեղասպանությունը վերապրած շուրջ 250 անձանց հուշերը: Այս մասին ապրիլի 30-ին լրագրողներին տեղեկացրեց Հայոց ցեղասպանության թանգարան-ինստիտուտի տնօրեն Հայկ Դեմոյանը:
«Այս հիմնադրամը հիմնվել է հայտնի ռեժիսոր Սթիվեն Սփիլբերգի կողմից: Կալիֆորնիայում գործող այս հաստատությունում առկա են Հոլոքոստի 50 հազար վերապրողների հուշեր, որոնք ձայնագրվում են, թվայնացվում և պահվում հատուկ պայմաններում: Ստորագրված հուշագրի հիման վրա մենք հնարավորություն կունենանք հոգալու մեր հետազոտական կարիքները, ինչպես նաև օգտվել իրենց մոտ առկա ձայնագրություններից»,- նշեց Հայկ Դեմոյանը:
Թանգարանի տնօրեը նաև հավելեց, որ «Շոա» հիմնադրամում շրջանառության մեջ կդրվի նաև Հայոց ցեղասպանության թանգարանի ձայնագրությունների հավաքածուն՝ գիտահետազոտական աշխատանքների իրականացման և ցեղասպանությունների վերաբերյալ իրազեկման մակարդակի բարձրացման համար:
Ի դեպ, Հայոց ցեղասպանության թանգարան-ինստիտուտն ապրիլի 24-ին Երևանում մեկ այլ համագործակցության հուշագիր կստորագրի Փարիզի «Շոա» փաստագրման կենտրոնի հետ: