2 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Ֆրանսահայ լեգենդար երգիչ Շառլ Ազնավուրի նոր՝ «Encores» ձայնասկավառակը ներառում է 12 երգ: Ինչպես տեղեկացնում է «Արմենպրես»-ը՝ վկայակոչելով աշխարհահռչակ շանսոնյեի պաշտոնական ֆեյսբուքյան էջը, նոր ձայնասկավառակում ամփոփվում է Ազնավուրի հավերժական երիտասարդությունը, ուժեղ բնավորությունը՝ խառնված ուրախությամբ, պարզությամբ և անմեղությամբ: Նոր ձայնասկավառակը լեգենդը երկրպագուների դատին կհանձնի այս տարվա մայիսի 4-ին:
Ազնավուրի նոր ալբոմի երգերն են՝
1. Avec un brin de nostalgie
2. Ma vie sans toi
3. Les petits pains au chocolat
4. T'aimer
5. Des ténèbres à la lumière
6. Et moi je reste là
7. Mon amour je te porte en moi
8. Chez Fanny
9. Sonnez les cloches
10. La maison rose
11. De la môme à Edith
12. You've got to learn (դուետԲենյամին Քլեմենտինեիհետ)
Ի դեպ,Շառլ Ազնավուրի երկրպագուները նախորդ տարվանոյեմբերի 17-իցհնարավորություն ունեն ձեռք բերելու լեգենդի ստեղծագործություններն ամփոփող և60 CD ներառողանթոլոգիան:Անթոլոգիան լույս է տեսել սահմանափակ քանակով՝ 10 հազար օրինակով, որից ութ հազարը վաճառքի է հանվել Ֆրանսիայի տարածքում: Այն ներառում է Ազնավուրի 45 օրիգինալ ձայնասկավառակները, ինչպես նաև 15 բացառիկ ձայնասկավառակ, որոնք ներառում են տարբեր գործերի չթողարկված տարբերակներ և դուետներ, որոնք հայտնվել են այլ անվանի արտիստների անհատական ձայնասկավառակներում:
Նշանավոր ֆրանսահայ շանսոնյե, երգիչ, երգահան, կինոդերասան և հասարակական գործիչ Շառլ Ազնավուրը ծնվել է 1924 թվականի մայիսի 22-ին Փարիզում: Բազմաթիվ հայտնի գործերի հեղինակ և կատարող է: Վաճառվել է Ազնավուրի ստեղծագործություններն ամփոփող շուրջ 100 միլիոն ձայնապնակ: 2009 թվականից Ազնավուրը Շվեյցարիայում Հայաստանի դեսպանն է, ինչպես նաև Ժնևի ՄԱԿ-ի գրասենյակում և այլ միջազգային կազմակերպություններում Հայաստանի մշտական ներկայացուցիչը: Լեգենդար երգիչը նախորդ տարի տոնեց իր ծննդյան 90-րդ հոբելյանը, համերգներ ունեցավ աշխարհի մի շարք երկրներում, այդ թվում` ելույթ ունեցավ նաև Հայաստանում: