368.06
Խարկովի մարզում յագուարը հարձակվել Է 26-ամյա կնոջ վրա
1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Խարկովի մարզի Վոլչանսկի շրջանի մասնավոր գազանանոցում յագուարը հարձակվել Է 26-ամյա կնոջ վրա, որը մաքրում Էր նրա մեծավանդակը: Այս մասին, ինչպես տեղեկացնում Է «Արմենպրես»-ը, հաղորդել Է «Ինտերֆաքս-Ուկրաինան»:
Տուժածին տեղափոխել են վերակենդանցման բաժանմունք, նրա վիճակը գնահատվում Է կայուն ծանր. նա վերք Է ստացել գլխի ծոծրակի մասում: Նախնական տվյալներով՝ գազանանոցի աշխատակցուհին մոռացել Է փակել գիշատչի վանդակի դուռը: ՊրեսՕրգ-ի տվյալներով՝ կինը մեծավանդակը մաքրում Էր՝ երաժշտություն լսելով ականջակալներով:
Յագուարի հարձակվելուց հետո դատախազությունը քրեական վարույթ Է սկսել առողջությանը դիտավորյալ ծանր վնաս պատճառելու հոդվածով: Սույն հոդվածը պատիժ Է նախատեսում հինգից մինչեւ ութ տարվա ազատազրկում: «Հետաքննության ընթացքը գտնվում Է Խարկովի մարզի դատախազության վերահսկողության ներքո»,- նշել են գերատեսչության մամուլի ծառայությունում: Թե այս գործով ով Է հանդես գալիս որպես կասկածյալ, չի ճշտվում:
Միջադեպը տեղի Է ունեցել «Պարուս-Մաքսի» հանգստի մասնավոր հանգրվանի տարածքում, որտեղ, բացի յագուարից, պահվում են շուրջ տասն այլ կենդանիներ:
Բաժանորդագրվեք մեր ալիքին Telegram-ում