1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Կալիֆորնիայի նահանգային օրենսդիր Մայք Գատոն արժանացել է «Մխիթար Գոշ» մեդալի: Ինչպես հաղորդում է «Արմենպրես»-ը` վկայակոչելով MassisPost-ը, մեդալը ՀՀ Նախագահ Սերժ Սարգսյանի հրամանագրով Գատոյին է հանձնել ԱՄՆ-ում (նստավայրը` Լոս Անջելես) ՀՀ գլխավոր հյուպատոս Սերգեյ Սարկիսովը` որպես ԱՄՆ-Հայաստան հարաբերությունների ամրապնդմանն ուղղված օրենսդիրի ջանքերի նկատմամբ երախտիքի նշան:
Սարկիսովն իր շնորհակալական խոսքն է ասել Գատոյին վերջինիս կողմից Հայաստանի, Արցախի, Հարավային Կալիֆորնիայի հայկական համայնքի համար առանցքային նշանակություն ունեցող հարցերի առնչությամբ տարված աշխատանքների համար:
«Ես շարունակելու եմ իմ ջանքերը Կալիֆորնիա նահանգի սենատում, որ Հայաստանի և Արցախի հայերն իմանան, որ այստեղ լավ ընկերներ ունեն»,- իր խոսքում ասել է Մայքլ Գատոն մեդալի ընդունման ժամանակ: