1 րոպեի ընթերցում
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Բրիտանացի մոդել Նաոմի Քեմփբելը Կուբայի մայրաքաղաք Հավանայում հարձակվել Է ամերիկյան NBC News հեռուստաալիքի օպերատորի վրա: Միջադեպը տեղի Է ունեցել Havana հյուրանոցի մոտ, որտեղ նա իջեւանել Է փետրվարի 26-ին, տեղեկացնում Է «Արմենպրես»-ը:
Քեմփբելը կատաղության Է հասել այն բանից հետո, երբ հյուրանոցից դուրս գալիս հայտնվել Է տեսախցիկի օբյեկտիվում: Դեմքը ծածկելով գլխարկով՝ մոդելը վազել Է դեպի օպերատորը: Նա մի քանի անգամ խնդրել Է դադարեցնել նկարահանումը, որից հետո հարվածել տեսախցիկին:
Մի քանի ժամ անց Քեմփբելը հեռուստաալիքից ներողություն Է խնդրել իր պոռթկման համար: «Ես ներողություն եմ խնդրում տեղի ունեցածի համար: Դա մեծ թյուրիմացություն Էր»,-հայտարարել Է մոդելը:
Սա առաջին դեպքը չԷ, որ Քեմփբելն անզուսպ պահվածքի պատճառով հայտնվում Է սկանդալի կենտրոնում: Այսպես, մանեկենուհու կողմից հայհոյանքների եւ ծեծերի համար բողոքել են նրա վարորդը, մի քանի սպասուհիներ. մի անգամ մոդելը կռվել Է իր բժիշկ-նարկոլոգի հետ, մի քանի սկանդալ սարքել խանութներում եւ Լոնդոնի «Հիթրոու» օդանավակայանում հարձակվել ոստիկանների վրա, ինչի համար դատապարտվել Է 200 ժամ տեւողությամբ հանրային աշխատանքների: