Արգենտինայի ֆուտբոլի ազգային թիմը կմասնակցի Ռիո դե Ժանեյրոյի Օլիմպիական խաղերին

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Արգենտիայի ֆուտբոլի պատանեկան հավաքականը հաղթել է Ամերիկայի պատանեկան առաջանությունում, որն անցկացվում էր Ուրուգվայում, և իրավունք ստացել մասնացելու 2016 թվականի Ռիոյի Օլիմպիական խաղերին:

Մոնտեվիդեոյում կայացած եզրափակիչ խաղում Արգենտինայի հավաքականը 2-1 հաշվով առավելության է հասել տանտերերի` Ուրուգվայի հավաքականի նկատմամբ: Հավաքելով 13 միավոր` արգենտինացիները խմբում զբաղեցրել են առաջին հորիզոնականը, միաժամանակ իրավունք ստացել մասնակցելու Օլիմպիական խաղերին:

«Արմենպրես»-ի հաղորդմամբ, այս առաջնության լավագույն ռմբարկու է դարձել արգենտինացի Ջովանի Սիմեոնեն (իսպանական «Ատլետիկո» թիմի գլխավոր մարզիչ Դիեգո Սիմեոնեի տղան), ով խփել Է 9 գնդակ:

Արգենտինայի ֆուտբոլի ազգային թիմը հաղթել է 2004 և 2008 թվականների Օլիմպիական խաղերում, սակայն 2012 թվականի Լոնդոնի Օլիմպիական խաղերի ժամանակ արգենտինացիները չեն հաղթահարել որակավորման փուլը: