1 րոպեի ընթերցում
ՆՈՎՈՍԻԲԻՐՍԿ, 3 ՓԵՏՐՎԱՐԻ, ԱՐՄԵՆՊՐԵՍ: Ռուսաստանը ներկայացնող հայազգի բռնցքամարտիկ Արմեն Զաքարյանը նվաճել է Ռիո-դե-Ժանեյրոյում 2016 թվականին կայանալիք Օլիմպիական խաղերի արտոնագիր: Ինչպես հաղորդում է «Արմենպրես»-ը` վկայակոչելով «ՏԱՍՍ»-ը, Նովոսիբիրսկում կայացած AIBA Pro Boxing մրցաշարում, որը համարվում է Օլիմպիական խաղերի վարկանիշային մրցաշար, 64 կգ քաշային կարգում ելույթ ունեցող Զաքարյանը հաղթանակ է տարել Գերմանիան ներկայացնող մեկ այլ հայազգի մարզիկ Արտյոմ Հարությունյանի նկատմամբ:
Օլիմպիական խաղերի մասնակցի պաշտոնական կարգավիճակ ստանալու համար Զաքարյանը պետք է մարտ անցկացնի APB-ի չեմպիոնի հետ և ստանա ազգային ֆեդերացիայի համաձայնությունը: