Լևոն Արոնյանը Բադեն-Բադենի առաջին տուրում կխաղա Կարլսենի հետ

ԵՐԵՎԱՆ, 2 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը Բադեն-Բադենի գերխոշոր մրցաշարի առաջին տուրում կխաղա աշխարհի չեմպիոն Մագնուս Կարլսենի հետ: Արոնյանը կխաղա սպիտակ խաղաքարերով:

Մրցաշարը կանցկացվի փետրվարի 2-9-ը: Լևոն Արոնյանի մրցակիցները կլինեն աշխարհի չեմպիոն Մագնուս Կարլսենը, Վիշվանաթան Անանդը, Ֆաբիանո Կարուանան, Մայքլ Ադամսը, Էթիեն Բաքրոն, Արկադի Նայդիչը եւ Դավիթ Բարամիձեն:

«Արմենպրես»-ի հաղորդմամբ, այս տարի մրցաշարն ուժեղագույններից մեկն է, որն անցկացվում է Գերմանիայում: Այն բաղկացած է 7 տուրից, և մասնակիցները միմյանց հետ կմրցեն միայն մեկական անգամ: