1 րոպեի ընթերցում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանն օրեր անց կմեկնարկի գերմանական Բադեն-Բադեն քաղաքի գերխոշոր մրցաշարում:
Այն կանցկացվի փետրվարի 2-9-ը: Նրա մրցակիցները կլինեն աշխարհի չեմպիոն Մագնուս Կարլսենը, Վիշվանաթան Անանդը, Ֆաբիանո Կարուանան, Մայքլ Ադամսը, Էթիեն Բաքրոն, Արկադի Նայդիչը եւ Դավիթ Բարամիձեն:
«Արմենպրես»-ի հաղորդմամբ, այս տարի մրցաշարն ուժեղագույններից մեկն է, որն անցկացվում է Գերմանիայում: Այն բաղկացած է 7 տուրերից և մասնակիցները միմյանց հետ կմրցեն միայն մեկ անգամ: