Գյումրիում սպանության գործով Հայաստան կժամանի ՌԴ քննչական կոմիտեի նախագահը

ԵՐԵՎԱՆ, 19 ՀՈւՆՎԱՐԻ, ԱՐՄԵՆՊՐԵՍ: ՀՀ քննչական կոմիտեի նախագահ Աղվան Հովսեփյանն այսօր` դեկտեմբերի 19-ին, հեռախոսազրույց է ունեցել ՀՀ քննչական կոմիտեի նախագահ Ալեքսանդր Բաստրիկինի հետ։ Ինչպես «Արմենպրես»-ին տեղեկացրին ՀՀ Քննչական կոմիտեի տեղեկատվության և հասարակայնության հետ կապերի բաժնից, կողմերը քննարկել են հունվարի 12-ին Գյումրիում Ավետիսյանների ընտանիքի 6 անդամների սպանության գործի քննությանը վերաբերող հարցեր, որոնց կատարման մեջ մեղադրվում է Գյումրիում տեղակայված ռուսական 102-րդ ռազմաբազայի զինծառայող Վալերի Պերմյակովը:

Հաշվի առնելով քրեական գործի առանձնահատկությունները՝ Աղվան Հովսեփյանը Ալեքսանդր Բաստրիկինին հրավիրել է Հայաստան: Հրավերն ընդունվել է, եւ ձեռք բերված պայմանավորվածության համաձայն, ՌԴ ՔԿ նախագահն այսօր կգա Հայաստան։