«Նովոստի-Արմենիա» զանգահարած և Պերմյակովի հայր ներկայացած մարդը ցավակցել է Գյումրիի զոհերի հարազատներին
1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: «Նովոստի-Արմենիա» գործակալություն զանգահարած և որպես Վալերի Պերմյակովի հայր ներկայացած մարդը ցավակցություն է հայտնել Գյումրիում կարատված ողբերգության հետևանքով զոհվածների հարազատներին և մտերիմներին։
«Ես զանգահարեցի, որպեսզի ցավակցություն հայտնեմ հարազատներին և բարեկամներին, այդ քաղաքի բոլոր բնակիչներին, ինձ դժվար է խոսել, որովհետև... ինչպես կարող էր նման բան կատարվել...»,-ասաց գործակալություն զանգահարած տղամարդը։
Նա նշեց, որ իր որդին` Վալերի Պերմյակովը, ծառայել է Անդրբայկալյան երկրամասում, չորս ամսվա ուսում է անցել ուսումնական կենտրոնում։
Նա միաժամանակ չհաստատեց ԶԼՄ-ներում տարածված տեղեկությունն այն մասին, որ «Վալերի Պերմյակովը բազմաթիվ անգամ փախել է բանակից»։
«Ես այդպիսի տեղեկություն չունեմ, մենք զրուցել ենք հեռախոսով.... հնարավոր է, ինչ-որ խախտումներ ուներ, բայց դրանց մասին ոչին չի ասել, հնարավոր է, որ եղել են, բայց չեմ կարող հաստատել»,- ասաց զանգահարողը։
Նա նշեց, որ վերջին անգամ որդու հետ խոսել է Սուրբ ծննդյան օրը` հունվարի 7-ին, և զրույցի ընթացքում տարօրինակ ոչինչ չի նկատել։
Մանրամասները՝ սկզբնաղբյուր կայքում