Սիրիայի գլխավոր մուֆթին և Կրոնի նախարարը դատապարտել են Հայոց ցեղասպանությունն իրականացրած ոճրագործ թուրքերին
1 րոպեի ընթերցում
ԵՐԵՎԱՆ, 13 ՀՈւՆՎԱՐԻ, ԱՐՄԵՆՊՐԵՍ: Սիրիայի գլխավոր մուֆթի Ահմադ Բադր Ադդին Հասսունը և Սիրիայի Կրոնի նախարար Մուհամմադ Աբդ ալ Սաթթար ալ Սայիդը իսլամ կրոնավորներին և ուսուցիչների պատվիրակությամբ այցելել են Դամասկոսի Հայոց առաջնորդարան:
Այս մասին «Արմենպրես»-ը տեղեկացավ Դամասկոսի Սուրբ Սարգիս եկեղեցու ֆեյսբուքյան էջից: Պատվավոր հյուրերին ընդունել են Դամասկոսի հայոց թեմի առաջնորդ գերշ. Տ. Արմաշ Եպս. Նալբանդյանը, Դամասկոսի ազգային իշխանության անդամները:
Այցելությունը կայացել է Հայոց ցեղասպանության 100-ամյակի շրջանակում, որի մեկնարկը հայտարարվել է հունվարի 6-ին Դամասկոսի Ս. Սարգիս եկեղեցում:
Սիրիայի մուֆթին և Կրոնի նախարարն այցելության ժամանակ իրենց զորակցությունն են հայտնել հայ ժողովրդի Ցեղասպանության 100-ամյակի տարելիցի առթիվ՝ դատապարտելով ոճրագործ թուրքերին: