1 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկացի հայտնի ռեժիսոր Թիմ Բերթոնը 13 տարվա քաղաքացիական ամուսնությունից հետո բաժանվել Է բրիտանացի դերասանուհի Հելենա Բոնեմ Քարթերից: Այս մասին, ինչպես տեղեկացնում Է «Արմենպրես»-ը, դեկտեմբերի 23-ին հայտնել է People հանդեսը: Հրատարակության տվյալներով՝ «զույգը երկուստեք ցանկությամբ բաժանվել Է մի քանի ամիս առաջ, ըստ որում Բերթոնը եւ Քարթերը մնացել են բարեկամներ եւ համաձայնություն են ձեռք բերել երեխաների նկատմամբ համատեղ խնամակալության շուրջը»: «Այժմ մենք խնդրում ենք հարգել նրանց անձնական կյանքը»,- նշել է զույգի ներկայացուցիչը:
Բերթոնը եւ Քարթերը ծանոթացել էին 2001 թվականին «Կապիկների մոլորակը» կինոնկարի նկարահանումների ժամանակ:
Ռեժիսորը դերասանուհուն նկարահանել է իր «Չառլին եւ շոկոլադի ֆաբրիկան», «Սուինի Թոդ, դեւ-վարսավիրը Ֆլիթ սթրիթից», «Ալիսան հրաշքների աշխարհում» եւ «Մռայլ ստվերներ» կինոնկարներում:
Զույգը դաստիարակում Է երկու երեխայի՝ 11-ամյա որդուն՝ Բիլիին եւ 7-ամյա դստերը՝ Նելին, հաղորդել Է ՏԱՍՍ-ը: