1 րոպեի ընթերցում
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Ռիո դե Ժանեյրոյում ընտրել են 2016 թվականի Օլիմպիական և Պարալիմպիկ խաղերի թալիսմանների անունները: Օլիմպիական խաղերի և Պարալիմպիկ խաղերի թալիսմաններին կոչել են բրազիլական երաժշության լեգենդներ Վինիսիուս դի Մորայսի և Անտոնիա Կարլոս Ջոբինի (Թոմ Ջոբին) պատվին: Օլիմպիական խաղերի թալիսմանը ստացել է Վինիկիուս, իսկ Պարալիմպիկ խաղերի թալիսմանը` Թոմ անունը: Անուններն ընտրվել են ձայների 44 տոկսով առավելությամբ:
«Արմենպրես»-ի հաղորդմամբ, Ռիո դե Ժանեյրոյի 2016 թվականի խաղերից 1,5 տարի առաջ ներկայացվել էին Օլիմպիական խաղերի և Պարալիմպիկ խաղերի թալիսմանները: 31-րդ ամառային խաղերի բացման և փակման պաշտոնական արարողությունները կկայանան լեգենդար «Մարականա» մարզադաշտում: Աշխարհի շուրջ 10,500 մարզիկներ կվիճարկեն 306 զույգ մեդալներ: