Իշխանափոխությունը պետք է լինի Սահմանադրության շրջանակներում՝ համապետական ընտրությունների արդյունքում. Հովիկ Աբրահամյան
1 րոպեի ընթերցում
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Մեր ապագան Մայր հայրենիք, Արցախ եւ Սփյուռք եռամիասնությունն է, և համատեղ ուժերով կարող ենք պայքարել մեր ներքին ու արտաքին մարտահրավերների դեմ:«Արմենպրես»-ի հաղորդմամբ՝այդ մասին Դսեղում տեղի ունեցած ասմունքի փառատոնի Լոռու մարզի նախնական փուլի մրցանակակիրների պարգևատրման արարողության ժամանակ հայտարարեց ՀՀ վարչապետ Հովիկ Աբրահամյանը: «Մենք մեր ներկայով ու ապագայով պետք է հպարտանանք, մեր հաջողություններով ուրախանանք ու անձնական խնդիրները ստորադասենք: Ուզում եմ այս խոսքս ուղղել նաեւ մեր քաղաքական ուժերին, ովքեր իշխանափոխության կոչ են անում: Իշխանափոխությունը պետք է լինի Սահմանադրության շրջանակներում՝ համապետական ընտրությունների արդյունքում, ոչ թե հրապարակներում, փողոցներում եւ հանրահավաքներում: Պետք է ամեն ինչ անենք մեր յուրաքանչյուր ռեսուրս արդյունավետ օգտագործելու համար»,- ասաց վարչապետը: Նրա խոսքով՝ միասնական ուժերով պետք է մեր երկիրը զարգացնել: