366.72
Պուտինը պարգեւատրվել Է Սերբիայի Հանրապետության առաջին աստիճանի շքանշանով
1 րոպեի ընթերցում
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Սերբիայի նախագահ Տոմիսլավ Նիկոլիչը հոկտեմբերի 16-ին Բելգրադում Ռուսաստանի նախագահ Վլադիմիր Պուտինին պարգեւատրել Է Սերբիայի Հանրապետության առաջին աստիճանի շքանշանով, տեղեկացնում Է «Արմենպրես»-ը:
«Թանկագին եղբայր Վլադիմիր, սերբ ժողովուրդը հպարտանում Է, որ դու կրում ես Սերբիայի բարձրագույն շքանշանը»,-ռուսաց լեզվով ասել Է Նիկոլիչը:
Ռուսաստանի նախագահը շնորհակալություն Է հայտնել նրան այդ բարձր պարգեւի համար: «Չեմ կարծում, որ այնպիսի մի բան եմ արել, որ վաստակեմ այս պարգեւը»,-ասել Է Պուտինը, նշելով, որ դա ավելի շուտ որպես հարգանքի նշան Է ընդունում Ռուսաստանի եւ ռուս ժողովրդի նկատմամբ:
«Ցանկանում եմ ձեզ հավաստիացնել, որ Ռուսաստանը, ինչպես որ եղել Է նախկինում, միշտ Սերբիային կընդունի որպես իր ամենամոտ դաշնակցի, ամենամոտիկ ազգականի»,-հավելել Է Պուտինը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում