«Նոր գիրք»-12. Սկսեք ընթերցել այսօրվանից
4 րոպեի ընթերցում
![«Նոր գիրք»-12. Սկսեք ընթերցել այսօրվանից](http://armenpress.am/resized/480/static/news/b/2014/10/779844.jpg)
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ:«Արմենպրես» լրատվական գործակալությունը շարունակում է ձեզ ներկայացնել «Նոր գիրք» նախագիծը: Այն ամեն երկուշաբթի ձեր դատին է հանձնում հայաստանյան հրատարակչությունների լույս ընծայած գեղարվեստական գրքերը: Գործակալության էջերում ընթերցասերները հնարավորություն ունեն տեղեկատվություն ստանալ նոր գրքերի վերաբերյալ, ծանոթանալ դասական երկերին և արդի գրականության զարգացման միտումներին: Նոր գրքերը կարող եք ընտրել հենց մեր ցանկերից և սկսել ընթերցել:
Այս շաբաթ«Արմենպրես»-ը կրկին առանձնացրել է տարբեր հրատարակչությունների նոր հրատարակած և հանրության դատին հանձնած չորս ուշագրավ գրքեր՝ չորս խորագրերի ներքո:
Հայդասականգրականություն
Միսաք Մեծարենց, բանաստեղծություններ
«Իմ գրադարանը» մատենաշարով լույս է տեսնում Միսաք Մեծարենցի բանաստեղծությունների ժողովածուն: Դրանում տեղ են գտել բանաստեղծի «Բաբախումներ», «Ծիածան», «Նոր տաղեր» շարքերի և այլ քնարական բանաստեղծություններ, ինչպես նաև «Ինքնադատության փորձ մը «Ծիածան»-ին առիթով» գրական-քննադատական հոդվածը: Մեծարենցի հերոսը մեծ մարդասեր է, լի է բնության ու կյանքի կարոտով, նա երազում է արդարության ու ներդաշնակ աշխարհի մասին: Մեծարենցը գովերգում և աստվածացնում է բնությունը: Նա բնության պատկերների խորունկ յուրացման միջոցով հիանալիորեն մեկնաբանում է մարդու և բնության փոխհարաբերությունը: Ժողովածունկազմել է Նվեր Վիրաբյանը: Այն հրատարակել է «Էդիթ Պրինտ»-ը:
Ժամանակակիցգրականություն
Հովհաննես Երանյան, «Այլ ոտնահետքեր»
Ժողովածուն ընդգրկում է գրողի՝ նախկինում հրատարակված գրքերի լավագույն պատմվածքներն ու վիպակները: Խմբագիրն է Արքմենիկ Նիկողոսյան: Այն հրատարակել է «Անտարես»-ը: Գիրքը բաղկացած է 300 էջից:
Թարգմանականգրականություն
Ջերոմ Դ. Սելինջեր, «Փրկիչը տարեկանի արտում»
Ամերիկյան հռչակավոր գրող Ջերոմ Դ. Սելինջերի հանրահայտ այս վեպը առաջին անգամ է հայ ընթերցողին ներկայացվում բնագրից կատարված թարգմանությամբ: Նախորդ հրատարակության «Տարեկանի արտում, անդունդի եզրին» վերնագրի փոխարեն առաջարկվող «Փրկիչը տարեկանի արտում» ("The Catcher in the Rye") վերնագիրն առավել հարազատ է բնագրին, թեպետ կարող է ոչ միանշանակ ընկալվել: Անգլերենից թարգմանությունը` Աստղիկ Աթաբեկյանի: Այն հրատարակել է «Անտարես»-ը: Գիրքը բաղկացած է 240 էջից:
Մանկականգրականություն
Ներկայացնում են պլաստիլինե դասական հերոսները
Գրքում ընդգրկված է չորս ստեղծագործություն` Հովհաննես Թումանյանի «Շունն ու կատուն», «Սուտլիկ որսկանը», Ղազարոս Աղայանի «Մրջյունն ու լուն», «Մեղուն ու աղավնին», որոնց հերոսներն իրականում կերտված են գունագեղ պլաստիլինից: Բացի սիրված ստեղծագործությունների ընթերցումից` երեխաները կարող են ինքնուրույն կերտել հերոսներին, ինչը կզարգացնի նրանց մտածողությունը, երևակայությունը, ձեռքի շնորհքը` բացահայտելով արվեստագետի նրանց ունակությունները: Գիրքը հրատարակել է «Զանգակ»-ը:
«Նորգիրք»-ըներկայացրեցՌոզաԳրիգորյանը