Ուորլիքը Նյու Յորքում Նալբանդյանի ու Մամեդյարովի հանդիպում է ակնկալում
1 րոպեի ընթերցում
![Ուորլիքը Նյու Յորքում Նալբանդյանի ու Մամեդյարովի հանդիպում է ակնկալում](http://armenpress.am/resized/480/static/news/b/2014/09/777430.jpg)
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի և Ադրբեջանի արտաքին գործերի նախարարներ Էդվարդ Նալբանդյանն ու Էլմար Մամեդյարովը կհանդիպեն Նյու Յորքում: Ինչպես հաղորդում է «Արմենպրես»-ը, այս մասին Թվիթերի իր միկրոբլոգում գրել է ԵԱՀԿ Մինսկի խմբի ԱՄՆ համանախագահ Ջեյմս Ուորլիքը: «Այսօր Նյու Յորքում ակնկալում ենք Ադրբեջանի և Հայաստանի արտգործնախարարների հանդիպումը` քննարկելու Լեռնային Ղարաբաղի հիմնախնդիրը»,- գրել է Ուորլիքը:
Այս օրերին ԱՄՆ Նյու Յորք քաղաքում մեկնարկել է ՄԱԿ-ի Գլխավոր ասամբլեայի 69-րդ նստաշրջանը: