1 րոպեի ընթերցում
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի շախմատի հավաքաանի առաջատար, աշխարհում երկրորդ վարկանիշն ունեցող Լևոն Արոնյանը կմասնակցի դեկտեմբերի 11-17-ը Չինաստանի մայրաքաղաք Պեկինում տեղի ունենալիք Համաշխարհային մտավոր խաղերին:
Արոնյանի մրցակիցները կլինեն Գրիշչուկը, Նեպոմնյաշչին, Մամեդյարովը, Վաշիե-Լագրավը, Իվանչուկը, Դոմինգես Պերեսը, Պոնոմարյովը, Ռաջաբովը, Գելֆանդը, Լեկոն, Բաքրոն, Գիրին, Վան Յուն, Վոյտաշեկը, Վան Հաոն: «Արմենպրես»-ի հաղորդմամբ, այս մասին գրում է Armchess կայքը:
Արոնյանը մինչ այս մասնակցում էր «Մեծ սաղավարտ»-ի մրցաշարին, որն անցկացվում էր իսպանական Բիլբաո քաղաքում: Այստեղ նա երկրորդն էր: