368.42
Զինվորականները Թաիլանդի նախկին վարչապետ Յինգլակ Չինավաթին թույլատրել են մեկնել երկրից
1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Թաիլանդի ժամանակավոր զինվորական կառավարությունը, որը իշխանության Է եկել պետական հեղաշրջման ճանապարհով, տապալված վարչապետ Յինգլակ Չինավաթին թույլատրել Է թագավորությունից մեկնել Փարիզ՝ տեսակցելու եղբոր՝ Թաքսինի հետ, որը նույնպես երկրի վարչապետ Է եղել, տեղեկացնում Է «Արմենպրես»-ը՝ հղում անելով BBC-ին:
Ինչպես նշում են տեղական լրատվամիջոցները, կին քաղաքական գործիչը կուղեւորվի Ֆրանսիա՝ մասնակցելու եղբոր ծննդյան օրվա տոնակատարությանը:
Զինվորականներն իշխանությունը զավթելուց հետո կալանքի տակ են առել հարյուրավոր ակտիվիստների, քաղաքական գործիչների եւ լրագրողների:
Յինգլակ Չինավաթն ինքն Էլ որոշ ժամանակ գտնվել Է տնային կալանքի տակ:
Իշխանությունը զավթած գեներալ Փրայուտ Չան-Օչան դեռ մայիսին ստացել Է Թաիլանդի թագավորի օրհնությունը:
Բաժանորդագրվեք մեր ալիքին Telegram-ում