2 րոպեի ընթերցում
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Երեւանի «Արարատը» մեկնեց Թբիլիսի, որտեղ կանցկացնի 10-օրյա ուսումնամարզական հավաք: Ինչպես «Արմենպրես»-ին հայտնեցին երևանյան ակումբի մամուլի ծառայությունից, Վրաստան են մեկնել հետեւյալ ֆուտբոլիստները. Դարպասապահներ. Արման Մելիքսեթյան, Լևոն Մինասյան, Գոռ Մարտիրոսյան:
Պաշտպաններ. Գորիկ Խաչատրյան, Արմեն Դուրունց, Ավետիս Ղազարյան, Հենզել Վարդանյան, Կարեն Խաչատրյան, Գոռ Մկրտումյան, Տիգրան Մելիքյան:
Կիսապաշտպաններ. Դավիթ Գ. Գրիգորյան, Արայիկ Մկրտչյան, Սերգեյ Ամրոյան, Հարություն Օհանյան, Էրիկ Կրոյան, Գոռ Մարտիրոսյան, Էրիկ Մարգարյան, Արարատ Պողոսյան, Նարեկ Ամիրյան:
Հարձակվողներ. Ալեքսանդր Ռակիչ, Ռոման Հովհաննիսյան, Ալեքսանդր Զելենով:
«Արարատի» կազմում հավաքի են մեկնել նաեւ ակումբի հետ պայմանագրեր ստորագրած դարպասապահներ Լեւոն Մինասյանը («Ալաշկերտ»), Գոռ Մարտիրոսյանը («Բանանց»), կիսապաշտպաններ Արարատ Պողոսյանը եւ Նարեկ Ամիրյանը (երկուսն էլ` «Բանանց»), ինչպես նաև թիմում փորձաշրջան անցնող ռուս հարձակվող Ալեքսանդր Զելենովը, ով «Ուլիսի» հետ ընկերական խաղում դարձել է հաղթական գոլի հեղինակ:
Թբիլիսիում «Արարատին» կմիանան ֆրանսիացի կիսապաշտպան Զավեն Բուլուտը եւ հարձակվող Ռոբին դի Լաուրոն, ովքեր պայմանագրեր կստորագրեն ակումբի հետ: Սպասվում է, որ Վրաստանում թիմի գլխավոր մարզիչ Դուշան Միյիչը կփորձարկի նաեւ օտարերկրացի ֆուտբոլիստների: