Իսրայելի Քնեսեթի անդամները խոսել են Հայոց ցեղասպանությունը ճանաչելու իրենց բարոյական պարտականության մասին

3 րոպեի ընթերցում

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Հրեաները պետք է ճանաչեն հայ ժողովրդի տառապանքը` թեկուզև առանց որևէ մեկին մեղադրելու: Ինչպես հաղորդում է «Արմենպրես»-ը` վկայակոչելով asbarez.com-ը, այս մասին Հայոց ցեղասպանության մասին լիագումար նիստում քննարկման ժամանակ հայտարարել է Իսրայելի Քնեսեթի խոսնակ Յուլի Էդելշտեյնը:Քնեսեթի անդամ, «Մերեց» կուսակցության ղեկավար Զևա Գալ-օնի նախաձեռնությմաբ օրակարգ բերված հարցի քննարկման ժամանակ Էդելշտեյնը նշել է, որ քննարկումը չի մեղադրում որևէ ժամանակակից պետության, այլ ցույց է տալիս, որ իրենք նույնացնում են իրենց կոտորածի զոհերի և դրա սարսափելի հետևանքների հետ: «Մենք չենք մեղադրում, մենք գործում ենք իբրև հրեաներ և հավատարիմ ենք ճշմարտությանն ու այլ ժողովրդի տառապանքներին: Մենք չենք կարող հերքել պատմությունը և զսպել մարդկային արժեքները դիվանագիտական կամ քաղաքական զգուշությունից ելնելով»,- ասել է Էդելշտեյնը:

Քնեսեթի անդամ Գալ-օնը կոչ արեց կառավարությանը ճանաչել Հայոց ցեղասպանությունը նախքան հաջորդ տարի դրա հարյուրամյա տարելիցը: Նա ընդգծեց, որ պետությունը իր ներկա շահերը պետք է զոհաբերի հանուն ցեղասպանության ճանաչման: «Ամեն անգամ այլ է քաղաքական իրադրությունը: Երբ մենք կողմ ենք Թուրքիայի հետ հարաբերություններին, մենք չենք ճանաչում Ցեղասպանությունը, սակայն հետո տեղի ունեցան Մավի Մարմարայի դեպքերը և մենք փոխեցինք մեր կարծիքը»,- նշել է Գալ-օնը: Ընդգծելով, որ Քնեսեթի անդամների զգալի մասը Հոլոքոսթի վերապրածների երեխաներն են, «Մերեց» կուսակցության առաջնորդն ասաց, որ որպես Հոլոքոստը վերապրած ազգ իրենք չեն կարող շարունակել հերքել Հայոց ցեղասպանությունը:

Քնեսեթի մեկ այլ անդամ Ռեուվեն Ռիվլինն այս կապակցությամբ նշել է. «Ինձ համար բարդ է ներել մյուս ազգերին մեր ողբերգությունը հերքելու համար, և մենք չենք կարող հերքել մյուս ազգի ողբերգությունը: Դա մեր բարոյական պարտականությունն է որպես ժողովուրդ և իբրև հրեաներ»: Նրա համոզմամբ` վերջերս Էրդողանի արած հայտարարությունը կապված է այն փաստի հետ, որ ավելի ու ավելի շատ երկրներ, այդ թվում և Իսրայելը, հրաժարվում են հերքել Ցեղասպանությունը:

Հրեաների ` Հայոց ցեղասպանությունը ճանաչելու բարոյական պարտականության մասին է խոսել նաև Իսրայելի զբոսաշրջության նախարար Ուզի Լանդաուն: «Լավ է, որ Քնեսեթը նշում է այս ողբերգությունները: Իսրայելական պետությունը երբեք չի ժխտել կատարվածը: Մենք հուսով ենք, որ Հայաստանն ու Թուրքիան կվավերացնեն մի քանի տարի առաջ ստորագրած համաձայնագիրը և կշարունակեն ունենալ բաց, խորքային երկխոսություն, որը կօգնի նրանց բուժել այն վերքերը, որոնք մի քանի տասնամյակ է բաց են մնացել»,- ասել է Լանդաուն:

Հայերեն English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ