Լևոն Արոնյանը սովորում է տանգո պարել

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Շախմատի Հայաստանի տղամարդկանց հավաքականի առաջատար, ՖԻԴԵ-ի վարկանիշային աղյուսակի երկրորդ համար Լևոն Արոնյանը սովորում է տանգո պարել: «Շախմատային մարզումներ և սովորում եմ տանգո»,-«Արմենպրես»-ի հաղորդմամբ` Twitter-ի իր պաշտոնական միկրոբլոգում գրել է Արոնյանը:

Գրոսմայստեր Լեւոն Արոնյանը հուլիսի 9-13-ը կգլխավորի ամառային շախմատային ճամբարը Կալիֆորնիայի Գլենդել քաղաքում: Ճամբարը կազմակերպում են «Մետրոպոլիտեն չես» ընկերությունը եւ Ամերիկյան շախմատի ակադեմիան (տնօրեն` Արմեն Համբարձումյան): Պարապմունքների ընթացքում Արոնյանի օգնականները կլինեն, մասնավորապես, գրոսմայստերներ Մելիքսեթ Խաչիյանը, Տաթեւ Աբրահամյանը, միջազգային վարպետներ Անդրանիկ Մատիկոզյանը, Արմեն Համբարձումյանը: