2 րոպեի ընթերցում
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Ռուս երգչուհի Ժաննա Ֆրիսկեն անցել է քիմիաթերապիայի առաջին կուրսը: Ամերիկացի բժիշկները նրա բուժման ընթացքում դրական առաջընթաց են արձանագրել:
Ինչպես փոխանցում է«Արմենպրես»-ը` վկայակոչելովeurosmi.ru կայքը, բժիշկների կանխատեսմամբ` մի քանի տարի անց կկարողանա հաղթահարել ուղեղի քաղցկեղը և վերադառնալ բնակոնան կյանքին:
Հաղորդավար Դմիտրի Շեպելևը, խոսելով իր կնոջ առողջական վիճակի մասին, հայտնել է, որ բուժումը դրական արդյունք է տվել, ինչի մասին վկայում են հետազոտությունների արդյունքները:
«Իհարկե, խոսել հիվանդության բուժման վերջնական արդյունքի մասին վաղ է, սակայն ուրախացնում է ցանկացած արդյունք, թեկուզ` փոքր»,- ասել է հաղորդավարը` շնորհակալություն հայտնելով բոլորին աջակցության համար:
Երգչուհու քաղաքացիական ամուսինը` հաղորդավար Դմիտրի Շեպելևը հունվարին խոստովանել էր, որ Ֆրիսկեն ծանր հիվանդությամբ է տառապում: Ավելի ուշ պարզվել է, որ Ֆրիսկեն տառապում է գլխուղեղի չորրորդ աստիճանի քաղցկեղով: Հայտարարությունից ամիջապես հետո Ռուսաստանի Առաջին ալիքը սկսեց երգչուհու բուժման համար գումարների հավաքագրման աշխատանքները: Հավաքվել էր շուրջ 66 միլիոն ռուբլի, սակայն երգչուհին այս գումարները հնարավորություն կունենա ստանալ միայն ապրիլին:
Չնայած առողջական ծանր վիճակին, երգչուհին շնոհակալություն է հայտնում բոլոր նրանց, ովքեր օգնում են իրեն պայքարել հիվանդության դեմ: