Սիրուշոն World Music Awards մրցանակաբաշխությանը ներկայացված է երեք անվանակարգերում

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Երգչուհի Սիրուշոն որպես եվրոպական արտիտս ապրիլին կայանալիք Համաշխարհային երաժշտական World Music Awards մրցանակաբաշխությանը առաջադրված է երեք անվանակարգերում: Մրցանակաբաշխությանը մասնակցում են աշխարհի լավագույն արտիստները բոլոր աշխարհամասերից՝ Ամերիկա, Եվրոպա, Ասիա, Աֆրիկա, Օվկիանիա:Ինչպես փոխանցում է«Արմենպրես»-ը` վկայակոչելով երգչուհու պաշտոնական ֆեյսբուքյան էջը, նա ներկայացված է երեք` «Լավագույն երգչուհի», «Լավագույն երգ (PreGomesh)» և «Լավագույն տեսահոլովակ (PreGomesh)» անվանակարգերում:«Այս մրցանակաբաշխությանը ներկայացված լինելը մեզ համար արդեն մեծ նվաճում է»,- գրված է երգչուհու էջում:

«Լավագույն երգչուհի» անվանակարգում ներկայացված են հանրահայտ երգչուհիներ Ադելը, Ավրիլ Լավինը, Ալիսիա Քիզը, Բրիթնի Սփիրսը, Քրիստինա Ագիլերան, Շերը, ուրիշներ:«Լավագույն երգ» անվանակարգում ներկայացված են Մարայա Քերիի «Almost Home», Լեդի Գագայի «Applause», Ջաստին Բիբերի «Boyfriend», այլ հանրահայտ կատարումներ:Ռիհաննայի «Dimonds», Լորինի «Euphoria», Էնրիկե Իգլեսիասի «Finnally found you» տեսահոլովակները «Լավագույն տեսահոլովակ» անվանակարգում ներկայացվածների թվում են:Ցանկացողները կարող են քվեարկել Սիրուշոյի օգտին այցելելով World Music Awards-ի պաշտոնական` worldmusicawards.com կայք: