Լևոն Արոնյանը հատուկ չէր պատրաստվել «Տատա սթիլ»-ի երրորդ տուրին

ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Շախմատ Հայաստանի հավաքականի առաջին համար Լևոն Արոնյանը հատուկ չէր նախապատրաստվել 17-ամյա շախմատիստ Ռիչարդ Ռապորտի հետ պարտիային, ում հետ խաղը ոչ-ոքի էր ավարտել:

«Ես հատուկ չէի պատրաստվել այդ խաղին: Ես նկատի ունեմ այն, որ եթե հատուկ պատրաստվում եմ, ապա մոտ երկու ժամ խաղում եմ, իսկ եթե ոչ, ուրեմն մի քանի րոպե: Պետք է թարմ գլուխը պահել: Գուցե ես շատ դրական խաղ ցուցադրեցի այսօր»,- «Արմենպրես»-ի փոխանցմամբ, Արոնյանի խոսքերը մեջբերում է chess-news կայքը:

Արոնյանն անդրադարձել է նաև հաջորդ տուրին: 4-րդ տուրում հայազգի շախմատիստը մրցելու Հիկարու Նակամուրայի հետ, իսկ պարտիան կայանալու է Ամստերդամի Ազգային թանգարանում: «Իհարկե, պարտիայի ավարտից հետո ես կմնամ այստեղ` նայելու թանգարանը»,- ասել է շախ,ատիստը:

Վեյկ ան Զեե քաղաքում անցկացվող «Տատա սթիլ» մրցաշարի 3 տուրերից հետո Արոնյանն ունի 2 միավոր: Նույնքան միավոր ունեն նաև Կարուանան, Հակամուրան, Գիրին, Սոն: