Հալաբյան փողոցում «Ինֆինիտի»-ն բախվել է խաղահրապարակի ցանկապատին

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: «Ինֆինիտի» մակնիշի ավտոմեքենան հունվարի 7-ին` ժամը 23.30-ի սահմաններում, Երևան քաղաքի Հալաբյան փողոցի շենքերից մեկի բակում դուրս է եկել երթևեկելի մասից և բախվել խաղահրապարակի ցանկապատին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեքենայի վարորդը մարմնական վնասվածքներով տեղափոխվել հիվանդանոց: Կատարվում է քննություն։