2 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ: Դանիայի մայրաքաղաք Կոպենհագենում կայանալիք «Եվրատեսիլ-2014» երգի մրցույթում Հայաստանը ներկայացնող մասնակիցը հայտնի կդառնա Նոր տարվա գիշերը: Ինչպես «Արմենպրես»-ը տեղեկացավ մրցույթի պաշտոնական կայքից, դեկտեմբերի 31-ի գիշերը Հանրային հեռուսատատեսության ամանորյա տոնական հեռուստաեթերի ժամանակ կհայտարարվի «Եվրատեսիլ-2014»-ի հայաստանյան ներկայացուցչի անունը, ով արդեն ընտրվել է ներքին քվեարկությամբ:
Ուղիղ հեռարձակման ժամանակ երգիչը կամ երգչուհին կներկայացնի ամենամեծ վայելում ունեցող հիթերից մեկը: Իսկ Եվրատեսիլում ներկայացվող երգը կընտրվի և հանրությանը կներկայացվի գալիք տարվա փետրվարին:
2013 թվականին Հայաստանը «Եվրատեսիլում» ներկայացրել էր «Դորիանս» ռոք խումբն իր Lonely Planet երգով: Հայաստանի մասնակցի զբաղեցրած ամենահաջող հորիզոնականը չորրոդն էր, երբ 2008 թվականին Սիրուշոն կատարեց «Քելե-քելե» երգը:
«Եվրատեսիլ-2014» երգի մրցույթըկլինի 59-րդը «Եվրատեսիլի»պատմության մեջ: Մրցույթը կկայանա Դանիայի մայրաքաղաք Կոպենհագենում մայիսի 6-10-ը, քանի որ «Եվրատեսիլ-2013»-ում հաղթեց Դանիան ներկայացնող Էմիլի դը Ֆորեսթըիր Only Teardrops երգով` իր երկրին ընձեռելով հաջորդ տարվա մրցույթը հյուրընկալելու հնարավորությունը։