ՀՀ Նախագահը շնորհավորական ուղերձ է հղել Ազգային անվտանգության մարմինների աշխատողի օրվա առթիվ
3 րոպեի ընթերցում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ:ՀՀ Նախագահ Սերժ Սարգսյանը շնորհավորական ուղերձ է հղել Ազգային անվտանգության մարմինների աշխատողի օրվա առթիվ:Ինչպես «Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, ուղերձում ասված է.
«Հայաստանի ազգային անվտանգության մարմինների հարգելի՛աշխատողներ,
Ջերմորեն շնորհավորում եմ ձեզ և համակարգի վետերաններին մասնագիկական տոնի կապակցությամբ:
Անցնող տարին հոբելյանական էր ազգային անվտանգության մարմինների համար: 95 տարի առաջ՝ Հայաստանի առաջին Հանրապետության հռչակումից հետո ձևավորվեցին հետախուզության և հակահետախուզության մարմինները:
Տասնամյակների ընթացքում անվտանգության մարմիններն անցել են լրջագույն փորձությունների միջով, թրծվել են տեսանելի և անտեսանելի ճակատներում, ձևավորել են ավանդույթներ և կուտակել անգնահատելի փորձ:Մեծ է ձեր ավանդը մեր պետության և հասարակության դեմ ուղղված սպառնալիքների չեզոքացման գործում:
Այսօր առկա են մասնագիտական առաջընթացի և ձեր աշխատանքը կատարելագործելու բոլոր նախադրյալները: Համոզված եմ, որ այսուհետ ևս դուք պատվով և մասնագիտական բազմակողմանի կարողություններով շարունակելու եք ձեզ վստահված առաքելությունը: Արդի աշխարհի և մեր տարածաշրջանի իրողություններն ու մարտահրավերները պետք է ունենան համարժեք արձագանք:
Հայաստանի ազգային անվտանգության մարմինների հարգելի՛աշխատողներ,
Կրկին շնորհավորելով տոնի կապակցությամբ՝ մաղթում եմ ձեզ քաջառողջություն, մտքի ու բազկի կորով և նոր ձեռքբերումներ՝ ի շահ Հայաստանի ժողովրդի և պետության»:
ՀՀ նախագահն իրհրամանագրովՀայաստանի Հանրապետության կառավարությանն առընթեր ազգային անվտանգության ծառայության տնօրենի տեղակալ, գեներալ-մայոր Արզուման Գարուշի Հարությունյանին շնորհել է գեներալ-լեյտենանտի զինվորական կոչում: Մեկ այլ հրամանագրով`Ազգային անվտանգության մարմինների աշխատողի օրվա կապակցությամբ, ծառայողական պարտքը կատարելիս ցուցաբերած նվիրումի համար Մարտական ծառայության մեդալով պարգևատրվել ենՀՀ ՊՊԾ վաշտի հրամանատարի տեղակալ, մայորՀրաչյա Մայիսի Եղիազարյանը,ՀՀ ԱԱԾ հակահետախուզության գլխավոր վարչության ավագ օպերլիազոր, մայորԱրթուր Վազգենի Հակոբյանը,ՀՀ ՊՊԾ թիկնապահ, կապիտանԱրտակ Վիկտորի Հակոբյանը,ՀՀ ԱԱԾ սահմանապահ զորքերի սահմանապահ ջոկատի սահմանապահ պարետատան պարետ, մայորԱրման Մաքսիմի Մարալչյանը,ՀՀ ԱԱԾ քննչական վարչության հատուկ կարևորագույն գործերով ավագ քննիչ, փոխգնդապետՎահե Լևոնի Պապոյանը,ՀՀ ԱԱԾ հակահետախուզության գլխավոր վարչության բաժնի պետ, գնդապետ Վաչե Վրույրի Օհանհանը: