ԱՄՆ-ը Դավութօղլուի Հայաստան այցից ակնկալիքներ ունի
1 րոպեի ընթերցում
![ԱՄՆ-ը Դավութօղլուի Հայաստան այցից ակնկալիքներ ունի](http://armenpress.am/resized/480/static/news/b/2013/12/743470.jpg)
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ պետքարտուղարությունը ողջունել է Թուրքիայի արտաքին գործերի նախարար Ահմեդ Դավութօղլուի այցը Հայաստան եւ հույս հայտնել, որ նրա այցը տարածաշրջանի առաջնորդների միջեւ երկխոսության հնարավորություն կստեղծի: Ամենօրյա ճեպազրույցի ընթացքում ԱՄՆ պետդեպի մամուլի խոսնակ Ջեն Փսակին նշել է, որ ԱՄՆ-ը շարունակում է կոչ անել Թուրքիային եւ Հայաստանին վավերացնել հարաբերությունների կարգավորման արձանագրությունները, կատարել շոշափելի քայլեր, ինչպիսին է սահմանի բացումը, որը հնարավորություն կտա հարեւանների միջեւ կապերն ամրապնդել ու երկու երկրների ժողովուրդների համար աշխատանքի բարենպաստ պայմաններ ստեղծել: «Այնպես որ` մենք ողջունում ենք այցը եւ լիահույս ենք, որ այն գործընթացն առաջ կմղի»,-«Արմենպրես»-ի հաղորդմամբ` ասել է Փսակին:
Դավութօղլուն Երեւան է ժամանել դեկտեմբերի 12-ին` մասնակցելու Սևծովյան տնտեսական համագործակցության անդամ պետությունների արտաքին գործերի նախարարների խորհրդի 29-րդ նստաշրջանին: