Սեյրան Օհանյանը վստահ է, որ Ռուսաստանը կառաջնորդվի անվտանգության ոլորտում Հայաստանի հետ ունեցած փաստաթղթերով

1 րոպեի ընթերցում

ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Հայաստանն ու Ռուսաստանն անվտանգության ոլորտում համագործակցում են կարեւոր համաձայնություններով եւ փաստաթղթերով: Այս մասին հայտարարեց ՀՀ պաշտպանության նախարար Սեյրան Օհանյանը` պատասխանելով Ադրբեջանի կողմից պատերազմի սանձազերծման դեպքում Ռուսաստանի հնարավոր միջատմության մասին հարցին: «Ռուսաստանի հետ մենք ունենք մեր անվտնագության ապահովման համապատասխան կարեւոր համաձայնություններ, փաստաթղթեր, որոնց շրջանակներում էլ իրենք գործելու են»,-«Արմենպրես»-ի հաղորդմամբ` ասաց Սեյրան Օհանյանը:

Հոկտեմբերին «Կրասնայա զվեզդա» թերթում հրապարակված հարցազրույցում անդրադառնալով ռազմակայանի պատասխանատվության գոտու ռազմաքաղաքական իրադրությանը` Հայաստանում տեղակայված ռուսական 102-րդ ռազմակայանի զորախմբի հրամանատար գնդապետ Անդրեյ Ռուզինսկին հայտարարել է, որ Լեռնային Ղարաբաղի դեմ Ադրբեջանի հարձակման դեպքում ռուսական բազան կարող է ներգրավվել ռազմական գործողություններում:Ադրբեջանում այս հայտարարությունը կրքեր է բորբոքել:

Բաժանորդագրվեք մեր ալիքին Telegram-ում