Լևոն Արոնյանը կրկին երկրորդն է ՖԻԴԵ-ի վարկանիշային աղյուսակում /լրացված/

ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: ՖԻԴԵ-ի վարկանիշային նոր աղյուսակում Լևոն Արոնյանը բարձրացել է երկրորդ հորիզոնական: «Արմենպրես»-ի հաղորդմամբ` նոյեմբերի վարկանիշային աղյուսակի առաջատարը նորվեգացի Մագնուս Կարլսենն է` 2870 միավորով: Հայաստանի ուժեղագույն շախմատիստ Լևոն Արոնյանը երկրորդ հորիզոնականում է: Հայ գրոսմայստերն ունի 2801 միավոր:

Լավագույն տասնյակում ընդգրկված են նաև Վլադիմիր Կրամնիկը, Հիկարու Նակամուրան, Ալեքսանդր Գրիշչուկը, Ֆաբիանո Կարուանան, Բորիս Գելֆանդը, Վիշվանթան Անանդը, Վեսելին Տոպալովը և Շախրիար Մամեդովը:Հետաքրքիր Է, որ աշխարհի գործող չեմպիոն, հնդկաստանցի գրոսմայստեր Վիշվանաթան Անանդը 2775 միավորով զբաղեցնում Է ընդամենը 8-րդ տեղը:

Աշխարհի 100 լավագույն շախմատիստների ցուցակում տեղ են զբաղեցնում Հայաստանի եւս 4 գրոսմայստերներ: Սերգեյ Մովսիսյանը 2700 միավորով 49-րդ տեղում Է, Վլադիմիր Հակոբյանը 2681 միավորով զբաղեցնում Է 63-րդ, Գաբրիել Սարգսյանը 2676 միավորով՝ 71-րդ, իսկ Տիգրան Պետրոսյանը 2660 միավորով՝ 89-րդ տեղը: Ֆրանսահայ շախմատիստ Տիգրան Քարամյանը 2658 միավորով 91-րդ տեղում է

Հոկտեմբերի վարկանիշային աղյուսակում Արոնյանը երրորդ հորիզոնականում էր: Նա նահանջել էր 18 միավորով: Երկրորդ տեղում Վլադիմիր Կրամնիկն էր: Առաջատարը կրկին Մագնուս Կարլսենն էր:

Լևոն Արոնյանծնվել է1982-իհոկտեմբերի 6-ին,Երևանում: 2005 թվականին աշխարհի գավաթակիր է, Հայաստանի հավաքականիկազմում 37-րդ, 38-րդ և40-րդհամաշխարհային օլիմպիադաների,2011թ. աշխարհի թիմային առաջնության հաղթող, բազմաթիվ գերմրցաշարերի,ՖԻԴԵ-ի Մեծ մրցանակի,2009-ի և2013-ի Բիլբաո–Մեծ սաղավարտի հաղթող,2009-ի արագ շախմատի աշխարհի չեմպիոն: 2006-ին և2007-ին դարձել է Ֆիշերի շախմատի աշխարհի չեմպիոն,2010-ին` կայծակնային շախմատի աշխարհի չեմպիոն,2002-ին` Հայաստանի չեմպիոն։ 2011-ինՄոնակոյումնա մասնակցել է «կույր» և արագ շախմատի«Ամբեր» ավանդական մրցաշարինև դարձել նրա վերջին հաղթողը (մրցաշարն այլևս չի անցկացվելու)։ Երկու տարի անընդմեջ` 2005-ինև 2006-ին, մարզական լրագրողների հարցմամբ, ճանաչվել էՀայաստանի լավագույն մարզիկ։