368.15
ՀՀ ԳԱԱ-ում կանցկացվի պատմաբան-արևելագետ Արամ Տեր-Ղևոնդյանի 85-ամյակին նվիրված գիտաժողով
2 րոպեի ընթերցում
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ գիտությունների ազգային ակադեմիայում կկայանա նշանավոր պատմաբան-արևելագետ Արամ Տեր-Ղևոնդյանի 85-ամյակին նվիրված «Հայաստանը և արաբական աշխարհը. պատմություն և արդի խնդիրներ» խորագրով միջազգային երիտասարդական գիտաժողով: Ինչպես «Արմենպրես»-ին տեղեկացրին ՀՀ ԳԱԱ մամուլի ծառայությունից, գիտաժողովի զեկուցումները վերաբերվում են միջնադարում հայ-արաբական առնչություններին, արաբական երկրների հայ համայնքների պատմությանը, 19-րդ դարի արաբալեզու մամուլում Հայկական հարցի արծարծումներին, ժամանակակից աշխարհում արաբական պետությունների ունեցած դերակատարությանն ու առկա խնդիրներին, Հայաստանի Հանրապետության հետ փոխհարաբերություններին:
Նիստին կհաջորդի «Մարաշի Տեր Ղևոնդ քահանայի հուշերը» գրքի շնորհանդեսը, որը կարևոր աղբյուր է Հայոց ցեղասպանությանն առնչվող աշխատությունների շարքում:
Գիտաժողովի բացումը և լիագումար նիստը տեղի կունենա նոյեմբերի 1-ին, նոյեմբերի 2-3-ին նիստի աշխատանքները կշարունակվեն Ծաղկաձորում:
Միջոցառումն անց է կացվում ՀՀ ԳԱԱ պատմության ինստիտուտի երիտասարդ գիտաշխատողների խորհուրդի նախաձենությամբ` ՀՀ նախագահ Սերժ Սարգսյանի բարձր հովանու ներքո իրականացվող երիտասարդ գիտնականների աջակցության ծրագրի ֆինանսական օժանդակությամբ:
Բաժանորդագրվեք մեր ալիքին Telegram-ում