1 րոպեի ընթերցում
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց հավաքականի առաջատար Լևոն Արոնյանը Ծաղկաձորում դասախոսություն է կարդում երիտասարդ շախմատիստների համար:
«Արմենպրես»-ի հաղորդմամբ` Արոնյանը Twitter-ի իր էջում գրել է, որ այն հետաքրքիր անցնում: «Ես Ծաղկափորում եմ և 5 օրով դասախոսություններ եմ կարդում երիտասարդ շախմատիստների համար: Այն իսկապես հետաքրքիր է: Այնուհետ մենք թիմային հավաք կունենանք»,- գրել է Արոնյանը:
Հայաստանի շախմատի տղամարդկանց հավաքականը օրեր անց կսկսի նախապատրաստվել Եվրոպայի և աշխարհի թիմային առաջնություններին: