Լևոն Արոնյանի հաջորդ մրցակիցը Վաշիե-Լագրավն է

ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց հավաքականի անդամ Լևոն Արոնյանի հաջորդ մրցակիցը Մաքսիմ Վաշիե-Լագրավն է:

«Արմենպրես»-ի հաղորդմամբ` Բիլբաոյում ընթացող «Մեծ սաղավարտ»-ի 4-րդ տուրում Արոնյանը կխաղա սև խաղաքարերով և ուժերը կչափի Մաքսիմ Վաշիե-Լագրավի հետ: Մյուս զույգը կկազմեն Շախրիյա Մամեդյարովը և Մայքլ Ադամսը:

Այս տուրից առաջ մրցաշարային աղյուսակը գլխավորում է Մայքլ Ադամսը, ով ունի 5 միավոր: Վաշիե-Լագրավն ունի 4, Արոնյանը` 3 միավոր, Մամեդյարովը վերջին տեղում է:

«Մեծ սաղավարտի» Բիլբաոյի մրցաշարը մեկնարկել է հոկտեմբերի 7-ին և կավարտվի 13-ին: