1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Համաշխարհային կինոմատոգրաֆի ամենագրավիչ դերասանուհին Է ճանաչվել Է 23-ամյա բրիտանուհի Էմմա Ուոթսոնը: Ազդեցիկ Empire magazine հանդեսի ամենամյա վարկանիշի արդյունքները, որը մասնագիտանում Է կինոարվեստի հարցերում, հայտարարվել են հոկտեմբերի 3-ին Լոնդոնում, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
Ուոթսոնը, որն իր կինեմատոգրաֆիական կարիերան սկսել Է Գարրի Փոթերի մասին ֆիլմերում Հերմիոնա Գրեյնջերի դերով, եզրափակիչում կարողացել Է առաջ անցնել ամերիկացի դերասանուհիներ Սկառլեթ Յոհանսոնից եւ Ջենիֆեր Լոուրենսից: Նրանք զբաղեցրել են համապատասխանաբար երկրորդ եւ երրորդ դիրքերը:
Վարկանիշի չորրորդ հորիզոնականում ամերիկացի դերասանուհի Քրիսթեն Սթյուարտն Է: Առաջին հնգյակը եզրափակում Է նույնպես ամերիկուհի Էնն Հեթեուեյը:
Empire magazine հանդեսի ամենագրավիչ դերասանների վարկանիշը գլխավորել Է Մեծ Բրիտանիայի ներկայացուցիչ 37-ամյա Բենեդիկտ Քամբերբետչը: Նա մեծ ճանաչում Է ստացել՝ BBC ընկերության «Սերլոք» հեռուստասերիալում խաղալով Շերլոք Հոլմսի դերը: Վարկանիշի երկրորդ եւ երրորդ դիրքերում նույնպես բրիտանացի դերասաններ են՝ Թոմաս Հիդլսթոնը եւ Հենրի Քավիլլը: